Clì Gàidhlig - Ùlpan

guth luchd-ionnsachaidh

buidheann cothruim is adhartachaidh na gàidhlig

Airson oidean

Ciamar a fhrithealas Ùlpan luchd-oide na Gàidhlig?

1. ag àrdachadh sgilean nan oidearan
2. a’ toirt trèanadh freagarrach ann an teagasg chànan
3. a’ solar phlanaichean teagaisg agus stuthan teagaisg iomlan
4. a’ tabhann teisteanas aig inbhe eadar-nàiseantach
5. a’ togail rian cuimseach gus ìrean nan oileanach a mheasadh
6. a’ leasachadh cothroman cosnaidh do Ghàidheil

Cò bhios nan oidean Ùlpan?

’S urrainn do dhuine sam bith aig a bheil fileantas sa Ghàidhlig ‘s aig a bheil na sgilean eadar-phearsanta riatanach trèanadh mar oide. 

‘S e rian teagaisg le structair rangach a th’ ann an Ùlpan agus feumaidh oidean sgilean sònraichte ionnsachadh gus a thoirt seachad gu soirbheachail.

Ach, ’s ann sa chùrsa fhèin a tha am modh-obrach. Ma thèid a lìbhrigeadh gu ceart, bidh oileanaich ag ionnsachadh as bith den fhiosrachadh theagaisg a th’ aig an oide ro-làimh.

Thathar an dùil gum bi raon farsaing de dh’fhileantaich air feadh na dùthcha, ’s miann leotha a bhith a’ cur ri ath-bheòthachadh a’ chànain, ach tha sin a’ fàirtleachadh orra airson dìth eòlais air teagasg agus dìth stuthan teagaisg.

Tha e coltach gun ghabh fileantaich òga pàirt cudromach ann a bhith a’ leasachadh lìonradh de chlasaichean Ùlpan, gu h-àiridh nuair a bhios iad an sàs ann an am foghlam aig àrd-ìre, as bith den chùrsa a leanas iad.

Le Ùlpan, bidh cothroman cosnaidh ann dhaibh air sgàth ’s gu bheil Gàidhlig aca ma thèid an trèanadh mar oidean Ùlpan os làimh. Thathar an dùil gun toir Clì Gàidhlig cuideachadh is comhairle ann an eagrachadh lìonradh de chlasaichean a chur air bhonn às leth oidean. 

Tha sinne làn dòchais gun tarraing Ùlpan tòrr de Ghàidheil do theagasg aig aois sam bith, seach gum faighear turastal bho an cuid sgilean sa chànan, agus gun toir seo buaidh mhòr air beachdan fhileantaich a thaobh Gàidhlig mar nì beò cudromach.

Dè tha an cùrsa trèanaidh a’ cosg?

*£420 / £820 a tha a’ toirt a-steach:

1. litreachas trèanaidh air thoiseach air an trèanadh practaigeach
2. deirsheachdain le toirt a-steach gu cùrsa practaigeach fad da làtha, ag ionnsachadh sgilean bunaiteach
3. cùrsa bogaidh fad sia làithean, a’ teagasg oileanach fhèin: measgachadh de dh’ionnsachadh agus de theagasg .i. a’ teagasg fo stiùireadh. Clàraichear teagasg nam foghlamach mar phàirt den bhreithneachadh gu teisteanas a ruigsinn
4. teisteanas neo-eisimeileach agus clàradh mar oide gu h-oifigeil
5. leabhraichean an oide; notaichean ceum air cheum agus stuth-teagaisg a ghabhas lethbhreacachadh
6. leabhraichean nan oileanach

.i. 8 làithean trèanaidh uile gu lèir, na stuthan teagaisg air fad do dh’oidean is do dh’oileanaich agus teisteanas-teagaisg. Thèid caochladh de dhòighean pàighidh a thabhann gus nach bi daoine aig a bheil tuarastal ìseal air an cumail a-mach.

* Tha Bòrd na Gàidhlig a cuir taic cho fialaidh le £400 troimhe cosgaisean trèanadh airson na fheadhainn gun urrasachd bho buidheann eile airson trèanadh oidean.

Dè th’ ann an cùrsa trèanaidh?

Aig a’ chiad deirsheachdain gheibh na h-oidean fiosrachadh air modh-obrach agus feallsanachd Ùlpan, air  na prìomh sgilean agus air na dleastanasan  cùmhnantail eadar oide agus Deiseal Earranta.

Tron chùrsa bogaidh fad sia làithean, bidh dà chlas gan cumail (seachdnar de dh’ oileanaich ag ionnsachadh Gàidhlig anns gach fear) anns am bi trìuir de dh’oidean. Bidh na h-oidean a’ frithealadh òraidean, bhùthan-obrach no a’ teagasg Gàidhlig a-rèir a’ chlàr-ama. Anns na bùthan-obrach gheibhear trèanadh air gràmar bunaiteach, dualchainntean na Gàidhlig, a’ teagasg fuaimneachadh, sgilean ceannas bhuidhnean, msaa. Cuideachd, bidh cothroman ann airson ionnsachadh bhon chèile san aon triùir.

Dè th’ ann am  measadh agus teisteanasachd?

Tha measadh is teisteanasachd gan rèiteachadh an-dràsta le ughdarrasan Wlpan anns a’ Chuimris. Tron chùrsa sia làithean, bidh gach oidear a’ teagasg ceithir earrannan Ùlpan.  Feumaidh iad na prìomh sgilean a leanas a shealltainn:

1. comas air seòllairtean (drills) a theagasg agus ath-sgrùdadh gu h-èifeachdach a thoirt seachad
2. a’ cumail gu h-uair gu gnothachail
3. freagairtean ’s dòighean-teagaisg sùbailte do dhuighleadasan cosnadh cànain
4. mìneachadh èifeachdeach de ghnìomhachdan cànain

Bidh liosta slatan-tomhais a’ mheasaidh ri fhaighinn aig gach ìre den trèanadh. Thèid na seiseanan-teagaisg aig gach oide a chlàradh air DVD aig Deiseal. Bidh neach-sgrùdaidh às a Chuimrigh a’ cur an DVD gu feum ann an sgrìobhadh aithisg. Bhon aithisg seo, cruthaichear an agallamh teisteanais, a thachras grunn sheachdainean an dèidh a’ chùrsa.

Ma theab cuideigin an inbhe cheart a ruigsinn ach chan eil ach beagan ùine a bharrachd a dhìth air gus teòmachd a dhèanamh, tabhainnear trèanadh a bharrachd dha. Oir tha e air leth cudromach do chliù Ùlpan  gun lìbhrigear e daonnan aig ìre teagaisg as àirde.

Ma tha ùidh agaibh ann an trèanadh mar oide Ùlpan, nach cuir sibh fios gu Mechthild – 01463 226 710.

Ulpan@cli.org.uk