Clì Gàidhlig - Ùlpan

guth luchd-ionnsachaidh

buidheann cothruim is adhartachaidh na gàidhlig

Dè th’ ann an Ùlpan?

‘S e Ùlpan dòigh luath is èifeachdach cànan ionnsachadh. Tha e air a bhith air leth soirbheachail ann an Israel, far an tàinig e, agus sa Chuimrigh, far an deach mìltean de dh’inbhich a thoirt do dh’fhileantas sa Chuimris tro Wlpan.

Bheir Ùlpan bhuannachdan cudromach dhan Ghàidhlig le bhith:

• A’ cur air bhonn inbhe àrd de mhathas a thaobh teagasg is ionnsachadh na Gàidhlig
• A’ solar cùrsa a thèid a sgrùdadh is a dhearbhadh gus luchd-ionnsachaidh a thoirt do dh’fhileantas
• A’ tairgse siostam trèanaidh do dh’ oidean le teisteanas gus dèanamh cinnteach gum faighear teagasg aig an ìre as àirde
• A’ stèidheachadh frèam nàiseanta gus an cànan ionnsachadh

Tha e nas fhasa airson a’ mhòr-chuid de luchd-ionnsachaidh Gàidhlig a leughadh is a sgrìobhadh seach a labhairt.

Leis an dòigh Ùlpan, ’s e labhairt an rud as cudromaiche, le leughadh is sgrìobhadh a’ tighinn beagan as dèidh làimhe.

Bidh na h-oileanaich ag ionnsachadh tro ath-aithris abairtean deatamach ’s tro ghnìomhan cànain, ’s ann a bhios an cudrom air Gàidhlig a chur gu feum, seach sgilean nas sgoilearaiche mar ghràmar. 

Ulpan@cli.org.uk